श्रीदत्त जयंती 2024 निमित्ताने दत्त भक्तांसाठी, गुरुचरित्राचे पारायण करणाऱ्यांसाठी आणि अभ्यासकांसाठी श्रीगुरुचरित्र शास्त्रशुद्धरीत्या समजून घेता यावे म्हणून या अभ्यासवर्गाचे आयोजन केले आहे. कोणतीही उपासना किंवा अनुष्ठान नीट समजून समजून केल्यास त्याचे फळ अनेक पटींनी मिळते असे शास्त्र सांगते.

कलियुगातील उपास्य देवता श्रीदत्तात्रेय ही आहे. केवळ संकल्पाने आणि प्रार्थनेने भक्तांची मनोकामना पूर्ण करणारे दैवत म्हणजे श्रीदत्तात्रेय हे दैवत आहे. त्यांना स्मर्तृगामी असे म्हटले जाते. दत्त संप्रदायातील अत्यंत महत्त्वाचा, प्रासादिक आणि फलदायी असा ग्रंथ म्हणजे श्रीगुरुचरित्र हा ग्रंथ आहे. त्याला पाचवा वेद असेही म्हटले जाते. त्याचे माहात्म्य अपरंपार आहे. गेली शेकडो वर्षे हजारो भाविक भक्त नित्यनियमाने त्याचे पारायण करतात. श्रीगुरुचरित्राच्या विलक्षण अनुभूती हजारो लोकांनी घेतलेल्या आहेत. या ग्रंथामध्ये एक मंत्रगर्भ सामर्थ्य आहे. आपल्या पैकी अनेकांना श्री या ग्रंथाची माहिती असते. त्याचे पारायण ही केलेले असते. मात्र त्याचा अभ्यास नसतो. त्याची शास्त्रशुद्ध बैठक नसते. श्रीगुरुचरित्राबद्दल आणि त्याच्या पारायणाबद्दल अनेक शंका आपल्या मनामध्ये असतात. (उदा. स्त्रियांनी गुरुचरित्र वाचू नये, इ. )

खरंतर हा एक सांप्रदायिक आणि त्वरित फलश्रुती प्रदान करणारा ग्रंथ आहे. त्याचे कर्मकांड, उपासनाकांड आणि भक्तिकांड असे विभाग आहेत. यामध्ये अनेक दैवी मंत्रश्लोक आणि अनुष्ठाने, व्रते यांची माहिती आहे.